حسنا، ما هي المحددات؟ على أي أساس سوف أعرف من هو أفضل أصدقائي؟ فكرت ووضعت القائمة التالية:
عشرة طويلة وفترة زمنية جيدة من التعامل بيننا
أكلنا "عيش وملح" مع بعض أكثر من مرة
في بينا "مونة" أو بنمون على بعض كتير
يجب أن يكون مستودع أسراري بدون الخوف من أن يكشف هذه الأسرار لما نزعل مع بعض
دائم النصح لي ويريد لي الأفضل حتى لو كان أفضل منه
بحبني بدون شروط وبدون ما يكون بدّو منّي إشي
جاهز ليساعدني في أي وقت بدون ما أسأله وهواللي بيعرض المساعدة علي دايما بدون ما أطلب
بدايني فلوس وبسب علي لما أجي أرجعله إياهم وبقوللي روح إنصرف
يثق في ثقة عمياء عسى أن أكون أهلا لها
يأخذ برأيي ويناقشني وهدفنا المشترك البحث عن أفضل حل
بعذرني لما أغيب عليه أو أقصر معه ولما بحكي معي ما ببلش كلامه بعتاب ولكن بالسؤال عني وعن صحتي
لأنه بيعرف إنه سواقتي دفشة كل مرة بشوفني بقلي برضاي عليك سوق شوي شوي
بحبلي الخير وبعلمني أحب الخير لغيري
علمني كل إشي بعرفه وعلمني شو يعني الصاحب وعنده إستعداد ييجي من عمان لإربد وهولسه واصل من بره البلد عشان ييجيني بناءا على طلبي عشان لما أقله بدي أعمل زي الشباب وأهمل، ما بسب علي ولا بضربني ولا بقوللي إنت سخيف وتافه بالعكس سمعني وأعطاني نصيحة العمر وذكرني بحديث النبي مع إنه ما كان يصلي "القابض على دينه كالقابض على الجمر"
باله طويل علي وبناقشني وبسامحني على أخطائي بدون ما أعتذر، حنون وعصبي
أنا وياه بنحب نفس الأكل ومطبوخ بنفس الطريقة
هل عرفتم من هو أفضل أصدقائي؟ …........................ إنه صديقي وأخي وصاحبي …
...........…إنه أبي
No comments:
Post a Comment