فيراري ولّا لمبرجيني...

بالله عليك، يعني لا يكفي أنّ البرنامج سخيف بل ويستعرض من الأمراض النّفسيّة والبطر والفحش ما يجعل العقل يدور؟

هل من المعقول أن يكون السؤال المهم عند هذه الشعوب هو فيراري ولّا لمبرجيني؟!! شو رأيك لو....

يعني النّاس بتموت في البلاد العربية بعضها من ظلم الحكّام وبعضها من ظلم النّاس وبعضها من الجوع والفقر والإخوان هناك مشغولين ب "فيراري ولّا لمبرجيني" يعني لهذه الدرجة وصل عدم الإحساس وقلة الفهم والبطر والبذخ والوقاحة لدرجة إنّه يكون شغلي الشّاغل فيراري ولّا لمبرجيني. شو رأيك بلبنة ولا زعتر أو عظم خروف ولا رجلين دجاج أو أحلى من هيك أموت من البرد ولا من الجوع؟!! أنا بحب المقدّم المحترم والقناة المحترمة يجاوبوني شو رأيكم بالأطفال المشرّدين أو النّاس المقهورين أو الموتى العريانين أو النساء المغتصبين؟!! شو رأيكم لو تاخدوا الفيراري واللمبرجيني مشوار على سوريا أو فلسطين أو مصر أو الأردن وتعملوا مسابقة على الإختيار بينهم واللي بفوز بتدعسه السيّارة الربحانة أحسن ما تدعسه النّاس أو الدبّابات أو المدرّعات.

وبعدين راحوا كحّلوها فشلّوا عرضها وجابوا نوع أخرى من الأمراض، النّاس هناك بزينوا سيّاراتهم بالكريستال وبعملوا كريستال داخل السيّارة وخارجها ... عن جد شو هالمحن؟ في هذه اللّحظة طلعت معاي مقولة جديدة:

                                       "ناس عندها مِحن وناس عندها مُحن"

عفوا فلسطين، عفوا سوريا، عفوا مصر، عفوا يا بلاد العرب والإسلام، بس في موضوع أهم نحلّه أوّل فيراري ولّا لمبرجيني ... لو بإيدي لدحش التنتين ب.... بس خلّيها إنّ الله يمهل ولا يهمل ولمّا تيجي سكرة الموت بالحق بلكن عزرائيل جاوبك وجاوب أشكالك إذا حتروح على جهنم بفيراري ولّا لمبرجيني يا $#@* #@!MDX  DJSA#(! إنتو فهمتوني

بالمناسبة يا جماعة بكرة حمّص ولا فلافل؟